Ish-ministri Saimir Tahiri ka qenë sot për rreth dy orë e gjysmë, në Prokurorinë e Krimeve të Rënda ku u pyet nga prokurorët pas akuzave të ngritura ndaj tij.
Pas deklaratës së bërë për mediat pasi doli nga Krimet e Rënda, ka dhënë një tjetër reagim nëpërmjet një postimi në rrejtin social “Facebook” ku rithekson atë që shprehu edhe në deklaratën e paradites se do t’i shkojë deri në fund drejtësisë. Në deklaratën e sotme për mediat Tahiri u shpreh:
“Dua të falënderoj prokurorët që morën para sysh kërkesën time për të pasur një hetim sa më të shpejtë në kohë, sa më të gjithanshëm dhe sa më objektiv. Me kërkesën time u paraqita për të dhënë shpjegimet e mia dhe për të shprehur gatishmërinë sot dhe kurdoherë, deri në fund me çdo mjet timin dhe disponibilitetin tim personal për t’iu përgjigjur çdo kërkesë të prokurorisë.
